لما تخطى أول خطوة؟؟؟؟؟؟؟
اوعى تخاف
لما تشوف الدنيا الواسعة
أو ف عيون الناس أحزان
عمر الحزن ما كان يوم أكبر م الانسان
ومفيش جرح ف قلب الدنيا الا وداراه النسيان
………
عمر نهارنا ما كان يوم أقوى من ضى عيونا
ولا ليالينا كانت أطول من أحلامنا
……
اوعى تخاف م الدنيا دى تقسى
يا بنبكى … وياما بننسى
ياما طيور زيك ف العش
كانت برضه كده بتكش
واما تشوف النسمة الطايرة
تهرب منها جوه القش
ياما طيور دلوقتى بعيد
عند النجمه وعند القمره!!
عايشة ف أجمل حلم سعيد
وبتستنى أجمل بكره
……
خليك فاكر
لما تخطى أول خطوة
إنك بكره دايماً أقوى
وانك يمكن يوم تتكعبل
لكن لازم يوم حتكمل
……
وعشان أنت لسه صغير
ومفيش حاجه أصغر منك
الدمعة بتبان لك أكبر
بس أنت أللى بيتهيألك
واللعبة لما حتتكسر
أجمل منها بابا حيجيبلك
والدنيا دى راح تتغير
بيك ومعاك ويا أللى فى سنك
……
مد ايديك وأقطف أحلامك
مين حيعيش الدنيا بدالك!!
مهما الناس بيقولوا عليها
ما تصدقش الا كلامك
ما تشفش الدنيا دي بعيوننا
وعيونك هى أيامك
وطريقك انت حتختاره
وحتختار فرحكك وألامك
……
اوعى تخاف م الدنيا دى تقسى
يا بنبكى
وياما بننسى
خليك فاكر انك " أنت"
وانك "بكرة " أللي ما جاش لسه
منقوله
|
عدد الأعضاء الذين شاهدوا هذا الموضوع : 0
العرض العادي
