طبعاً الموضوع بسيط جداً ويعتمد بالأساس على مجموعه من الأوامر ومجربه وتعمل 100% بدون اي مشاكل

طبعاً كما تعلمون هذه اول مشاركاتي واود ان تصل فكرتي بأوضح شكل حتى تتم الإفادة وآخد تقييم 10 على 10 :

بخصوص الأوامر اللي هكتبها تحت نفهمها قبل ما نكتبها :

1- هي ايه فكرة البارتشن - عباره عن ميديا بيتحط عليها فيل سيستيم وبعد كده تنسخ ملفاتك (ده البارتشن)

2- طيب الملف اللي بتكلم عليه هيعمل نفس الموضوع هستخدم اول امر هيخلي الملف ده عباه عن 000000 اصفار زي ما احنا عارفين الهارد بيتكتب عليه بنظام باينري اللي هو 0 و 1 يبقى الوقت خليت الملف مكتوب باينري كده هيأت الوضع المناسب للفايل سيستيم عشان ابدأ احط الفايل سيستيم

3- الوقت جه وقت الفايل سيستيم لما تختار فايل سيستيم للملف اختار ايه اللي هينفعك في شغلك - ممكن تحط (vfat - ntfs - ext2 - ext3 - raiserfs - xfs - ..... )

4- بتختار بقى الفيل سيستيم على اساس ما انت عايز على حسب رغبتك - خد بالك ممكن تعمله سواب عادي خالص مفيش اختلاف

نبدأ الجد بقى هنعمل الكلام اللي فات ده ازاي الكلام حلو بس الشغل اكيد مش بالبساطه دي - انت اللي هتحكم :

---------------------------------------------------------------------------

طريقه عمل الكلام اللي فات :

1- الأمر اللي جاي ده هيعمل الملف 1 جيجا طبعاً المسار بمزاجك زي ما تحب هو هنا مظبطه على /opt/file_path.any

ايز تعملها 2 جيجا غير 1024 خليها 2048 وهكذا خد بالك /dev/zero

بعمل حاجه اسمها زيور فيل اكيد الكل يعرف يعني ايه بإختصار زي استعادة ضبط المصنع بترجع الهارد اصفار تاني 00000

الأمر الأول كالتالي :

dd if=/dev/zero of=/opt/file_path.any count=1024 bs=1M

2- تاني امر اننا هنديله الفايل سيستيم طبعاً تختار الفيلسيستيم اللي يعجبك انا هكتب أمر واحد بس البدائل بتاعت الفايل سيستيم هنكتبها بين قوسين بعد الأمر طبعاً عشان اغلب الناس هتستعمل ext3 هظبط الأمر الرئيسي بنظام الملفات ده :

mke2fs -j /opt/file_path.any

(

-j = Jornal for ext3

بدون الأوبشن السابق سيتم عمل بارتشن ext2

mkfs.vfat /opt/file_path.any

الامر اللي فات هيعمل بارتشن فات 32

mkfs.ntfs /opt/file_path.any

ده هيعمله ntfs

mkswap /opt/file_path.any

3- آخر خطوه ياجماعه هنعمله مونت عشان نعرض الملف زي الهارد عادي واتصفحه

الوقت ايه اللي انت محتاجه عشان تعمل مونت بسيطه خالص

محتاج فولدر تعمل فيه مونت ومحتاج امر تعرف السيستيم هتعمل مونت لبارتشن ايه اللي هو في حالتنا ملف ايه مع العلم ان السيستيم اصلاً بيعتبر كل شيء على اللينكس فايل بما فيهم الديفايسيز اللي هي الأجهزه هارد مثلا او ملفات او مجلدات كل دي ملفات المهم هتعمل مونت لملف اياً كان والامر بكل بساطه :

mkdir /mnt/TEST_DIR

بفرض اننا عملنا المجلد اللي فات وعايزين نعمل مونت جواه بقى

mount /opt/file_path.any /mnt/TEST_DIR -o loop

خدوا بالكم ان الأوبشن اللي في الآخر ده علشان تعرف السيستيم ان الملف ده عباره عن ملف وليس بلوك ديفايس اقصد انه مش هارد او بارتشن بجد عشان كده الأوبشن ده لو متحطش مش هيحصل مونت

4- افرض بقى عايز احطه يتعمله مونت على طول كل ما الجهاز يبدأ يتعمله مونت (انا حر بقى) :

هنفتح /etc/fstab

طبعاً بالمحرر اللي يعجبك انا عن نفسي بفضل vim editor

هتخش في الإنسيرت مود وتضيف السطر ده

/opt/file_path.any /mnt/TEST_DIR auto defaults,loop 0 0

كده هتعمل آخر امر عشان ينفذ المونت بقى بجد

mount /opt/file_path.any

كده كله تمام

اتمنى يكون الموضوع تمام ،،، ويفيدكم ،،، ربنا معاكم وأي استفسارات بخصوص الموضوع انا موجود والإخوه في المنتدى موجودين وحاضرين ،،،

osowl.cOm

شكرا لهذا الموضوع الرائع ومن رائع لأروع إن شاء الله

__________________

جزاك الله خيرا اخي اتاك على البرنامج
ومنور بيتك اخي الكريم

__________________

نسيت ياجماعه اكتب حاجه سوري يعني

طبعاً لو عايزين نخلي الملف يتعمله مونت كل مره كل ما الجهاز يعمل ريستارت

طبيعي هنحطه في ال fstab طبعاً هنستعمل الإيديتور المفضل ليك عن نفسي بحب vim editor

vi /etc/fstab

/opt/file_path.any /mnt/TEST_DIR ext3 defaults,loop 0 0

طبعاً لو اخدتم بالكم في اوبشن اسمه loop ليه بقى استعملناه - اقولكم ،

الوقت لما بتعمل مونت لبارتشن بتعمل ماونت لهارد بارتشن بيتسمى block device

الملف ده مش بلوك ديفايس يبقى الحل انك تخلي الجهاز يتغاضى عن النظر للنقطه دي بإنه يستعمل اوبشن لوب اللي استعملناه في الأمر اللي في اول الموضوع واللي في الرد ده ...

تاني نقطه ext3 ممكن تغيرها بنظام ملفات البارتشن اللي شغال الوقت

خدوا بالكم من نقطه لو كنت هتعمل الحركه دي مع بارتشن fat

ممكن تستعمل الأوبشن ده في امر مونت او في fstab في مكان الأوبشنز

iocharset=utf8

زي السطر اللي جاي ده وليكن على سبيل المثال ولكن طبعاً ملوش علاقه بموضوعنا اللي فات لأن اللي فات انتهى خلاص بس عشان اكمل الموضوع لازم اذكر النقطه دي

/opt/file_path.any /mnt/TEST_DIR auto defaults,loop,iocharset=utf8 0 0

بخصوص نظام الملفات auto ده بيخلي السيستيم يفحص ده نظام ملفات ايه ويعمل مونت بيه ممكن تستعمله لو مش عارف ده نظام ملفات ايه

نقطه كمان لابد من ذكرها وكتير من الناس مش بتعرف تتصرف فيها

الوقت انا عندي بارتشن ويندوز ومش عارف اعمله مونت عاى اللينكس ليه عشان البارتشن ntfs طيب والحل الشائع بردو بين الناس انك تعمل ريكومبايل للكيرنيل وتخليه يسبورت ريد ورايت ولما بتخلص ريكومبايل مش بيسبورت غير القرائه فقط - حاجه تخنق بس في حل اكيد ،

لو بحثتم في جوجل عن ntfs-3g وستبتوه على اجهزتكم هتلاقوا الجهاز بيسبورت قرائه وكتابه على الntfs بدون مشاكل ومتجرب من اكتر من سنتين حتى الآن دون اي مشاكل بشكل شخصي

الأمر ده لو ستبت البرنامج وعايز تشغل البارتشن بسبورت قرائه وكتابه بإفتراض ان عندك بارتشن c نظام ملفاته ntfs :

/dev/sda1 /mnt/c ntfs-3g defaults 0 0

تحياتي للجميع وأتمنى ان الموضوع يكون مفيد للجميع

وربما اتذكر شيء جديد اقوم بإضافته للموضوع او يقوم احد الإخوه بالتفاعل معي كما اتمنى حتى يتم التفاعل بشكل اكبر وتعم الفائده اكبر وأكبر

دمتم بامان الله ،،، وتحياتي لكم ،،، وتصبحوا على خير ،،،،

السلام عليكم ورحمة الله وبركاته
مرحبا بك أخي نبيل في منتداك أصول ..

شكرا لمجهودك وشرحك الوافي والذي غطي جميع جوانب الموضوع بالتفصيل وببساطة رائعة

إلي الأمام دائما
وأطيب أمنياتي لك بالتوفيق

أخوك
-المحترف,

__________________