مربعات الحوار الرسوميه في bash - Zenity

NabeeliumAttack · 05-16-2009, 02:18 AM

طبعاً بخصوص الموضوع ده عمري ما كنت مهتم بيه ابداً ولكن الأخ المحترف لما لقيته كتب موضوع بهذا الخصوص قلت لازم اساعدة وأكتب موضوع يعتبر مكمل لموضوعه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] :

الفرق ان الموضوع بتاع الأخ المحترف Tui اما الموضوع بتاعي Gui ؟

يعني Terminal User Interface والتانيه Graphical User Interface

نبدأ بقى نتكلم عن Zenity او زي ما انا بسميه الزناتي خليفه $F:\مواضيعى\ابتسامات$ .

هنبدأ ندخل في اكواد بسيطه وواحده وحده هنصعب الموضوع .

- Zenity ممكن يعمل رسائل بعدة انواع :

1- اخطاء

2- معلومات

3- استعلامات

4- تحذير

بعد ما تحدد نوع رسالة الحوار لابد تدخل نص يعني لو في رسالة خطأ لازم تكتب ايه هو الخطأ وده بيتم من خلال الأوبشن --text

1- رسائل الأخطاء : طبعاً عشان تعرف الزناتي $F:\مواضيعى\ابتسامات$ ان دي رسالة خطأ لازم تكتب السطر بالشكل ده :

كود:

zenity --error

بعد كده بقى اكتب --text عشان تكتب النص بتاع رسالة الخطأ يعني من الآخر الكود بيبقى بالشكل ده :

كود:

#!/bin/bash

zenity --error \
--text="Could not find /var/log/syslog."

2- لو معلومات - يعني يظهرلك معلومه وانت تضغط موافق فقط :

كود:

zenity --info

دي كده يعني انا حددت ان الزناتي يظهر مربع حوار لمعلومه معينه وشكل الأمر هيكون كالتالي :

كود:

#!/bin/bash

zenity --info \
--text="Merge complete. Updated 3 of 10 files."

3- رسالة حوار لسؤال معين:

--question ودي هي اللي بتعرف الزناتي ان الرساله دي رسالة سؤال

4- بخصوص رسائل التحذير :

بإمكانك استخدامها من خلال --warning

كود:

#!/bin/bash
        
zenity --warning \
--text="Disconnect the power cable to avoid electrical shock."

تحياتي للجميع ،،، وأتمنى الموضوع يعجبكم ،،،

وسيتم استكماله فيما بعد ،،،

الله معكم ،،،

osowl.cOm · 05-16-2009, 02:18 AM

شكرا لهذا الموضوع الرائع ومن رائع لأروع إن شاء الله

paradis · 05-16-2009, 07:03 AM

اخي الكريم نبيل

تمنياتي لك بالتوفيق

manal · 05-16-2009, 06:46 PM

المحترف · 05-19-2009, 03:17 PM

السلام عليكم ورحمة الله وبركاته

ما شاء الله عليك ..

تسلم والله اخي نبيل .. مجهود طيب جعله الله في ميزان حسناتك ..

أسجل اليوم حضوري فقط لأشكرك ولي عودة ان شاء الله للموضوع مرة اخري

اطيب تحية
أخوك
-المحترف ,

NabeeliumAttack · 07-02-2009, 02:34 PM

الإخوه الكرام جميعاً من مروا على الموضوع وشرفوني بردودهم او باقي اعضاء المنتدى شكراً جزيلاً لكم جميعاً ،،، وأتمنى ان تنال اضافتي لهذا اليوم اعجابكم ولو انه جزء صغير جداً وبسيط ،،،

الوقت هنضيف اضافة بسيطه ان شاء الله تكون مفيده للجميع ولو انها متأخره جداً :

الوقت لو في حد بيعمل برنامج ومحتاج يعمل شريط progress زي مثلاً وانت بتعمل install لأي برنامج والشريط ده هيبينلك نزل قد ايه

طبعاً : ممكن نعمل ده على الزنتي والطريقه بسيطه وبإمكانكم التعديل على الكود وعمل اي شيء تجدونه مناسب :

طبعاً بداية الكود المرادي هتكون :

كود:

zenity --progress

بالطريقه دي البرنامج عرف اني عايز شريط بروجرس .

في مجموعة اوبشنز ممكن الواحد يستخدامها في حالة البروجرس :

كود:

--text=text

طبعاً دي هتفيدك في وضع كلمة معينه او جمله معينه فوق شريط البروجرس زي كده .

كود:

--percentage=percentage

هنا بقى ممكن تحدد عايز تبدأ من النسبه كام % بمعنى عايز ابدأ التحميل من كام % من نص الشريط ولا من اوله بعد كده ممكن تخلي الشريط يبدأ من اول تاني لكن بدايته خالص هتكون من الرقم ده .

كود:

--auto-close

ودي عشان تقفل السكربت اول ما يوصل 100% يعني يخرج لما يخلص خالص - مش في كل مره هتحتاجها .

الوقت هحط كود كمثال على اللي فات بس في امكانيه لتعديله بلا شك وتغيير ما يلزم :

كود:

#!/bin/sh
(
echo "10" ; sleep 1
echo "# Updating mail logs" ; sleep 1
echo "20" ; sleep 1
echo "# Resetting cron jobs" ; sleep 1
echo "50" ; sleep 1
echo "This line will just be ignored" ; sleep 1
echo "75" ; sleep 1
echo "# Rebooting system" ; sleep 1
echo "100" ; sleep 1
) |
zenity --progress \
--title="Update System Logs" \
--text="Scanning mail logs..." \
--percentage=0 \
--auto-close

if [ "$?" = -1 ] ; then
zenity --error \
--text="Update canceled."
fi

النتيجه هتكون زي كده :

طبعاً ممكن تعديل اي قيمه او وضع اي امر ولما يتنفذ الشريط يتقدم كل ده متاح

وفي النهاية ان شاء الله هنعمل بروجكت يجمع كل الدروس بأمر الله في شرح وافي وواضح جداً وليس جزء جزء كما هو الحال الآن بس افكر في بروجكت على الأقل ينفع يجمع كل الكلام اللي اتقال قدر الإمكان .

إنتظروا الموضوع القادم بأمر الله هيعجبكم اكتر ،،، وآسف على تأخر الرد ده جدا جدا جدا ،،،

تقبلوا تحياتي $F:\مواضيعى\ابتسامات$ ،،،

NabeeliumAttack · 07-02-2009, 04:28 PM

عايز اضيف حاجه يمكن مبينتهاش في كلامي :

بخصوص الكود اللي اتكتب في نهاية المشاركه هنحكي عنه شويه :

كما هو مبين في الصوره هتكون نتيجة الكود كالصوره التاليه :

1- عنوان المربع الحواري :Update System Logs

2- هيبدأ الشريط يشتغل اول شيء هيظهر :Scanning mail logs...

3- بعد شويه هيتغير هيبقى :Updating mail logs

4- بعد شويه هيتغير هيبقى :Resetting cron jobs

5- بعد شويه هيتغير هيبقى :Rebooting system

ملحوظه مهمه جداً وأعتقدها واضحه جداً : عند تنفيذ الكود السابق لماذا لا تظهرThis line will just be ignored رغم انها وسط الكود ولازم تظهر - السبب هو الهاش لأنه عند وضع علامة هاش تظهي الكلمه وعند عدم وضعها تعتبر كأنها غير موجوده او كومنتد فقط .

بعد ذلك تو ضع رساله خطا لأنه لو حدث خطأ ما حتى لو كان غير متوقع ستكون هناك رساله خطأ :

Update canceled.

تحياتي لكم وأتمنى يكون الكلام واضح للجميع ،،،

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مربعات الحوار في الباش bash - dialog	المحترف	أصول برمجة	9	08-03-2010 03:30 AM
اصول Bash Scripting	NabeeliumAttack	أصول برمجة	7	04-30-2009 10:53 PM
سيكون الحوار لغتنا	soheel	أصول النقاش الجاد	4	07-01-2007 08:27 PM
عصر الحوار وحسن الجوار.	نادين	أصول العام	5	03-10-2007 10:04 PM
فنون الحوار	soheel	أصول النقاش الجاد	3	12-23-2004 03:13 PM

الذين يشاهدون محتوى الموضوع الآن : 1 ( الأعضاء 0 والزوار 1)

عدد الأعضاء الذين شاهدوا هذا الموضوع : 4
المحترف, manal, NabeeliumAttack, paradis