شي ما بيتصدق

بنت لبنان · 07-29-2009, 08:04 AM

السلام عليكم ورحمة الله وبركاته

مبارح سمعت بقصة
والقصة هي قصة رفيقتي اللي قريبة مني
بتسالني ممكن تامنيلي من اي حدا بتعرفيه مبلغ 30 الف دولار
فكرتا بتمزح بالاول
قالتلي معي بس 3 ايام حتى ردهم للبنك او بدي صير ادفع عليهم فائدة
سالتا شو القصة؟
قالتلي طلبت مني وحدة الي ثقة كبيرة فيها مبلغ 30 الف
التلا ما معي هالمبلغ
قالتلها ممكن تاخديهم من البنك على اسمك لانك بتشتغلي
والبنك عامل اعلان ممكن يعطي الشخص اي مبلغ على شهر بدون دفع فائدة على شرط يردهم واذا صار شهر وما رد المبلغ اكيد لازم يدفع عليهم فائدة
ولما وافقت انو تسحبن على اسمها وتعطيها اياهم قالتلا عشرط زوجي ما بدي ياه يعرف انو اخدت منك 30 الف
ولا قالت لشو عايزة هالمبلغ
المهم صاحبتي سحبت المبلغ وعطيتا اياهم
علىاساس كانت قالتلا بس على اسبوعين وبعطيكي ياهن وانتي بتعطيهم للبنك وخلص
مر الاسبوعين
ومر تالت اسبوع ولما راحت تتطالبا فين قالولا سافرت علبنان هي وولادا
اتصلت فيها علبنان وحكيت معها
وهددتا ازا ما حتعطيني المبلغ لردو للبنك حخبر زوجك
بكل وقاحة قالتلا اذا بدك ياني اتطلق روحي خبري زوجي
انا ما معي ردلك اي شي
شو رايكم تعمل؟
هلىء باقي يومين وبتحاول تجمع المبلغ من اي حدا تتردهم حتى ما تدفع فائدة
لانو عارفة الفائدة حرام
وهي ما حابة توقع بالحرام
بس مين بدو يأمن الها ويعطيا مبلغ ولو كان قليل
لانو اللي عملت فيها هيك بتعرفو مين بتكون؟
بتكون اختها
ايه والله اختها
لهالدرجة هالدني ما عاد فيها امان
انا وقت عرفت خفت
اخت بتعمل هيك باختها معقول؟
انتو يا اهل اصول بتصدقو؟
وشو رايكم تعمل؟
هي هلىء بتحاول تبيع سيارتها والدهب اللي عندها
وقالتلي حتعمل جمعية بس تتجمع المبلغ وتردو للبنك
بتمنى شوف رايكم شو هو حول الموضوع

osowl.cOm · 07-29-2009, 08:04 AM

شكرا لهذا الموضوع الرائع ومن رائع لأروع إن شاء الله

المحترف · 07-29-2009, 02:08 PM

حدث ليس غريب جدا لكنه يصيب الانسان بالغضب والحنق علي هذه الاخوة وهذه التصرفات .

أخت تنظر لصالحها علي حساب اختها دون التفكير في الضرر الذي سيلحق بأختها التي لم تتردد في مساعدتها والوقوف بجانبها .

من رأيي تعاود الاتصال بأختها ولكن هالمرة لا تطلب منها الفلوس وإنما تسألها لماذا ؟؟

لماذا تصرفت هكذا ..؟ بأي دافع ؟؟ وكيف ؟

ثم تخبر زوجها بالموقف وما حدث .. فقط ان ضمنت انه سيرد لها المبلغ او حتي جزء منه قبل نفاذ الايام الثلاثة المتبقية لتسديد البنك

لا حول ولا قوة إلا بالله

بنت لبنان · 07-29-2009, 02:26 PM

اقتباس:

المشاركة الأصلية كتبت بواسطة المحترف

حدث ليس غريب جدا لكنه يصيب الانسان بالغضب والحنق علي هذه الاخوة وهذه التصرفات .

أخت تنظر لصالحها علي حساب اختها دون التفكير في الضرر الذي سيلحق بأختها التي لم تتردد في مساعدتها والوقوف بجانبها .

من رأيي تعاود الاتصال بأختها ولكن هالمرة لا تطلب منها الفلوس وإنما تسألها لماذا ؟؟

لماذا تصرفت هكذا ..؟ بأي دافع ؟؟ وكيف ؟

ثم تخبر زوجها بالموقف وما حدث .. فقط ان ضمنت انه سيرد لها المبلغ او حتي جزء منه قبل نفاذ الايام الثلاثة المتبقية لتسديد البنك

لا حول ولا قوة إلا بالله

شكرا كتير الك اخي المحترف على تفاعلك وردك
هلىء باقيلا بس يومين
ورجعت حكت مع اختها قالتلا ما معي وانا ما راجعة لبعد 6 شهور
انا حاسة المصيبة صايرة معي
والله حاسة دمي بيغلي على هيك اخوة
هي خيفانة انو اذا خبرت زوجها يطلقها
انا كمان رايي تخبرو
واللي بدو يصير يصير

امل · 07-29-2009, 02:32 PM

حسبنا الله ونعم الوكيل
والله يمكن لو مش اخوة كنت بقول انو لازم تتصرّف بشكل حازم معا بس .......................................
لا حول ولا قوّة إلاّ بالله
وصلنا لآخر الدني
أولكن جاية إيّام سودا أكتر من هيك ؟
أو الدني عم تقول باي باي
يا لطيف لطفك

بنت لبنان · 07-29-2009, 03:06 PM

اقتباس:

المشاركة الأصلية كتبت بواسطة امل

حسبنا الله ونعم الوكيل
والله يمكن لو مش اخوة كنت بقول انو لازم تتصرّف بشكل حازم معا بس .......................................
لا حول ولا قوّة إلاّ بالله
وصلنا لآخر الدني
أولكن جاية إيّام سودا أكتر من هيك ؟
أو الدني عم تقول باي باي
يا لطيف لطفك

ايه يا امل
هيدي اخرة الدني يا لطيف
الله يساعد العالم
بتشكر مرورك كتير

جوهرة مصونة · 08-01-2009, 07:35 PM

ربنا يهديها

تسال شيخ ان كانت تقول لزوجها ولا لاء بعد ماتسالها انتي عملتي بيهم ايه

ربنا يهديها

وربنا ييسر ليها وتكمل الفلوس

EL.ALFY · 08-01-2009, 07:59 PM

مينفعش اصلا تخبى على زوجها

كلكم راعا وكلكم مسؤلا عن راعيتة
وهى مسؤلة منة

لازم تحكيلة

وربنا يهدى

دة رأيه

manal · 08-01-2009, 08:40 PM

السلام عليكم أختي بنت لبنان
صراحة هذه المشكلة صعبة كتير الله يكون بعونها
الله يكون بعونها ويهدي أختها يا رب
تسلمي أختي بارك الله فيكي

بنت لبنان · 08-02-2009, 06:21 AM

اقتباس:

المشاركة الأصلية كتبت بواسطة جوهرة مصونة

ربنا يهديها

تسال شيخ ان كانت تقول لزوجها ولا لاء بعد ماتسالها انتي عملتي بيهم ايه

ربنا يهديها

وربنا ييسر ليها وتكمل الفلوس

شكرا على مرورك اختي جوهرة
هي ما ردت عليا ليش عملت هيك
وهي سافرت مع اولادها ولترجع ربنا بيفرجا ان شاء الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عدد الأعضاء الذين شاهدوا هذا الموضوع : 8
امل, المحترف, احمد شوقى, EL.ALFY, بنت لبنان, درة القلوب, جوهرة مصونة, manal