السلام عليكم و رحمة الله و بركاته
الملايكة بيكتبوا أعمالنا في الدنيا .. بيكتبوا "صحيفة الأعمال" لكل واحد ، يعني كل واحد له
file
فوق كدة فيه كل حاجة
بيعملها عشان يتحاسب عليها في الأخرة، طب الواحد يعمل إيه لو صحيفة أعماله إتنشرت قدام كل الناس اللي يعرفها، و في الدنيا، تخيل إنك مت .. و كتاب أعمالك خلاص .. إكتمل .. و تم نشره! شئ مرعب مش كدة؟ و لكنك واعي له تماماَ، بل إنك إنت اللي بتنشر الكتاب بنفسك قبل ما تموت، البروفايل بتاعك علي فيس بوك .. مبيموتش .
الموضوع إن فيه إتنين أعرفهم توفوا في حادثين متفرقين، و الإتنين كنت أعرفهم معرفة سطحية و لكن عندي علي فيس بوك، الأول توفي في حادث سيارة و عرفت من صديق لي، و اما روحت البيت فتحت فيس بوك لقيت واحد صاحبنا عامله
tag
في
note
فيها أدعية له .. و لكن المشكلة، إن المتوفي كان كغيره من الشباب، بيفتخر بحاجات كتير غلط بيعملها، و أخر
profile picture
كان حاططها ، صورة له و هو ماسك كانزاية بيرة ..والموضوع كان محرج و غريب .. أدعية و دعوات و صورة له ماسك بيرة .. لا يستطيع تغييرها سواه هو .. وهو مات! مكنش يعرف إن الصورة دي هيبقي ال
comments
اللي عليها "الله يرحمك و يغفرلك" و "اللهم إغفرله له خطاياه" و "اللهم أحسن خاتمتنا" .. و بروفايل الفيس بوك بتاعه كان سبب إكتئاب لأخته تحديداَ و اللي أنقذت الموقف بإنها دخلت عالمسنجر بتاعه من
اللاب توب الخاص بيه و اللي معمول فيه المسنجر
auto sign in و قفلت من خلاله بروفايل الفيس بوك خالص .
الشخص التاني مكنتش أعرفه خالص و لكنه كان مشترك في جروب كنت عامله لمحبي السيارات، كان عنده 18 أو 19سنة و كان بيسأل اسألة تبين إنه بيحب السرعة، و في مرة دخل قال انا عملت حادثة جامدة و العربية إتدمرت ، فا سألته عن تقرير التوكيل يمكن أقدر أساعده .. فا قعد فترة مردش .. دخلت عالبروفايل بتاعه أكتبله إيه الأخبار .. لقيت علي ال wall حاجات زي "هتوحشنا" و "الله يرحمك" و "يا رب إجعل مثواه الجنة" و موعد عزاء .. عرفت إنه مات .. بعت رسالة لواحد من أصدقائه قاللي إنه كان راكب عربية واحد من صحابه و إتقلبت بيهم .. هو مات و واحد جاله نزيف في المخ و إتنين إتكسروا ، فضولي لم يمنعني من تصفح البروفايل بتاعته .. لقيت
the last activity
و اللي هي كانت المفروض عملها يوم وفاته، كان
quiz
بعنوان
how many sex partners will you have before you die ?
الحقيقة مقدرتش أفكر في أي أفكار أو يمكن الأفكار في دماغي كانت كتير فا مقدرتش أركز في ولا واحدة فيهم، هل
الواحد ممكن ياخد
quiz
علي سبيل الهزار أخره جملة
before you die
، و هو ميعرفش إن
before you die
دي فترة قصيرة جداَ لا تتعدي الساعات
! و ياخد ال
quiz
و يموت و ينزل تحت الأرض و إحنا قاعدين قدام شاشة الكمبيوتر بنتفرج علي إن
دي كانت
his last activity .
و زي صورة كانز البيرة .. دي و كل الحاجات اللي عالبروفايل بتاعه .. غير قابلة للمحو .. لأن الوحيد اللي يقدر يغير .. مات .. و البروفايل تحول إلي مزار لأشياء تحولت إلي تاريخ ! و البروفايل
بيقول أخر حاجة كان بيفكر فيها عدد ال
Sex partners
اللي هيكونوا في حياته!
الحقيقة زيارة بروفايل علي فيس بوك لشخص إنت عارف إنه مات شئ غريب جداَ و إحساس غريب، بتحس إنك بتكلم
شبح .. بتلاقي كلام هو كاتبه في
notes أو comments
عالصور .. تحس إنها مينفعش تكون
موجودة لأنه ميت ! بتلاقي لستة أصدقاء .. لا يمكن في يوم من الأيام هيزيدوا واحد .. و هتلاقي صور .. مش هيكون لها جديد .
الإنترنت و فيس بوك تحديداَ .. خلا إن الواحد ممكن يعرض حياته كلها قدام الناس .. و يسيبها و يموت .. و تفضل هي .. زي بالضبط أكن صحيفة أعمالك إتطبعت و بقت تتباع عند بتاع الجرايد .. ممكن تدخل علي بروفايل حد مات و إنت مكنتش تعرفه أصلاَ .. و تعرف كان بيحب مزيكا إيه و أفلام إيه و بيشجع أنهي فريق و كان مرتبط بأنهي بنت و ليه كانوا متخانقين قبل ما يموت و مين صحابه و حالته النفسية كانت عاملة إزاي و شخصيته كان شكلها إيه و كان شكله إيه يوم ما مات في الصور اللي إتاخدت بالصدفة من غير ما يعرفوا اللي لسة هيحصل، و كمان تعرف إيه أخر حاجة كان بيفكر فيها قبل ما يموت .. قاعد تقلب في حياة واحد راقد علي ظهره في مكان مظلم و عاري من كل شئ في الدنيا عدا قماشة بيضاء ملفوف فيها! بل و تعرف معلومة زيادة هو نفسه مكنش يعرفها .. إنه كان هيموت بعد ما يعمل الحاجات دي مباشرة! و مكنش هيبقي فيه أي طريقة لتغييرها .. و هتفضل قدام الكل بعد ما كتبها بمزاجه .
ده كان جانب انا مشفتوش في فيس بوك و الإنترنت إلا من خلال الموقفين دول .. و مش عارف هل إحنا فعلاَ عايزين كدة ولا لأ ؟ هل الإنترنت ممكن يتحول لمقبرة أكبر من الهرم الأكبر و أقوي من النقوش الفرعونية علي جدرانه لأنه ببساطة .. لا هيتمسح ولا هيتغير إلا من خلال اللي كتبه .. هل حد فينا يتخيل إن البروفايل بتاعه ممكن يتحول ل"نصب تذكاري"! رد فعلك ممكن يكون إيه لو تقدر تقدم الوقت و تشوف صفحة بروفايلك بتاعة بكرة و لقيت مكتوب فيها الله يرحمك و هتوحشنا و هندعيلك في كل صلاة .. و صورتك هي صورة جروب عنوانه
rest in peace !
*
ودى قصة تانية :
قصة حقيقية وقعت في احدي الدول العربية وهي ان شخصا كان له مجموعة من اصدقاءة ويلتقون يوميا ويتبادلون اخر المعلومات عن الانترنت - ماذا رأو ماذا حملوا من الانترنت - وفي أحد الايام كان هذا الشخص يتصفح ووجد موقع إباحي ولكنه باشتراك مادي ولانه كان من الاثرياء ويملك كروت بنكية عديدة ولن يكلفه الامر سوي دقيقة للاشتراك وقد كانت أسوأ دقيقة في حياته فقد اشترك بالفعل وذهب لاصدقاءة باول ارسال من الموقع علي ايميلة من الصور الاباحية ومقاطع الفيديو وفي بنود الاشتراك ان الموقع سيقوم بارسال كل جديد له عن طريق ايميله - وقد ذهل اصحابه من هذا الموقع الذي ينفرد بمثل هذه الصور - فطلبوا من صديقهم تزويدهم بالمعلومات كي يشتركوا ايضا - فقال لهم متطوعا - سوف ارسل لكم يا اصحابي كل ما يصلني من الموقع وبالفعل قام بضبط ال options في الايميل بأن يقوم اوتاماتيكيا بارسال الرسائل لاصحابه الذين حددهم هو - وبالطبع انهالت عليهم الرسائل من الموقع وكانوا فرحين جدا بها ويظنون انهم وجدوا كنز جديد في عالم الانترنت وفجأة توفي في حادث سيارة صديقهم صاحب الاشتراك في الموقع - ولكن ظل الايميل يرسل الرسائل لكل القائمة كما حدد صاحب الايميل - وبالطبع أفاق أحدهم واراد أن يوقف هذه المهزلة وحاول فتح الايميل بكل الطرق - لان اهل الشاب لا يعلمون عن تلك التصرفات شيئا وعندما عجز الصديق التائب عن فتح الايميل - خاطب الموقع المرسل - فرد الموقع ان الرجل مشترك 5 سنوات ولابد من وفاء الموقع بالتزامه تجاه الشخص باقي مدة الاشتراك ويستطيع فقط الشخص وحده اقفال حسابه في الموقع - ولكنهم ايضا يحتاجون لكلمة سر لفتح الحساب علي الموقع - هذه قصة حقيقية وقد عاصرتها وعشتها بنفسي وعندما علمت بالامر - ساهمت بفكرة وقد نجحت بأن يدمروا ايميل الصديق - عن طريق ارسال يوميا الاف الرسائل للايميل وعند وصول الايميل لدرجة معينة من الرسائل سوف ينفجر تلقائيا ولن يعمل - وبالفعل نجحت الفكرة والخطة ولكن بعد مرور حوالي 4 شهور - اردت فقط ان اذكركم بخطورة الامر ولن ازيد عن ذلك لان صاحب الموضوع قد افاض في شرح العاقبة
والسلام عليكم ورحمه الله
الموضوع دا احبابي ف الله منقول بس اتأثرت بيه جدا وياريت تبعتوه ف كل المواقع او المنتديات اللي مشتركين فيها بجد ياريت الناس تفوق وتعرف ان الدنيا ايام ربنا يرحمنا يارب ويرزقنا حسن الخاتمه اللهم امين
عدد الأعضاء الذين شاهدوا هذا الموضوع : 8
هيحصل ايه فى البورفيل بتاعك لو مت
العرض العادي
